Віктар Пякарскі: жыццё палкоўніка крымінальнага вышуку

Жыццё палкоўніка міліцыі Віктара Пякарскага поўнае дзіўных, яскравых падзей, у якіх адбілася гісторыя нашай краіны. Цяжкае пасляваеннае дзяцінства, юнацтва, сталенне, служба ў міліцыі… Ён ішоў да сваёй мары, з годнасцю пераадольваючы перашкоды і захоўваючы вернасць выбраным ідэалам. Складаныя хітраспляценні крымінальных расследванняў, інтэлектуальнае супрацьстаянне са злачынным светам, чалавечыя лёсы, тэхнагенная катастрофа, развал краіны і стварэнне нацыянальнай школы міліцыі — пра ўсё гэта і шмат іншага распавядае новая кніга серыі. Выданне адрасавана найперш моладзі, а таксама ўсім, хто цікавіцца гісторыяй беларускай міліцыі, хто імкнецца спазнаць, як з’яўляюцца героі нашых дзён. Шматлікія фатаграфіі, якія ўвайшлі ў кнігу,  ілюструюць жыццёвы шлях і дасягненні Віктара Пякарскага.