Маша і яе сябры

Маленькая дзяўчынка Маша - галоўная гераіня апавяданняў Івана Юркіна - цікаўная і вясёлая, як і дзясяткі і сотні іншых дзяўчынак. Таму кожны, нават дарослы, можа ў ёй пазнаць сябе. Маша любіць звяроў і птушак, клапоціцца пра іх, стараецца беражліва адносіцца да прыроды. А яшчэ Маша - вялікая "выдумляльшчыца". Такога навыдумляе - што дзіву даешся, як такое ў дзіцячую галоўку прыходзіць! Аб чым жа фантазіруе Маша, вы даведаецеся, калі прачытаеце гэтую кніжку.